Սերգեյ Լազարևի նմանակը ցանկանում է երգչի դեմ դատական հայց ներկայացնել

Մոսկվայում բնակվող խոհարար Իվան  Սպրինչանը շատ նման է Սերգեյ Լազարևին։ Սակայն փաստացի երգչի կրկնօրինակը լինելով՝ Իվանը տհաճություններից բացի ոչինչ չստացավ։

Երիտասարդի խոսքով՝ դրա պատճառը Լազարևի Instagram-ում հրապարակված տեսագրությունն է, որտեղ նաև ինքը կա։ Դրանից հետո երիտասարդին հարբեցող հայտարարեցին։

Մոտ մեկ ամիս առաջ Սերգեյ Լազարևն Instagram-ի իր էջում տեսագրություն է հրապարակել, որտեղ իրեն շատ նման մարդը քնած է ինքնաթիռում, իսկ կողքին բաց և գրեթե դատարկ ոգելից խմիչքի շիշն է։ Պարզվել է՝ օդանավում քնած մարդը Իվան Սպրինչանն է։

Նա Լազարևին խնդրել է ջնջել լուսանկարը, սակայն պատասխան այդպես էլ չի ստացել։ Խոհարարը խոստանում է հակառակ պարագայում դատարան դիմել։