Ամերիկյան ԶԼՄ-ները տեղեկություն են տարածել, որը հարվածի տակ է դնում ԱՄՆ ներկայիս նախագահի փեսա և խորհրդական Ջարեդ Քուշների հեղինակությունը: Անշարժ գույքի ոլորտում գործարարություն վարող Քուշներին մեղադրում են այսպես կոչված «սոցիալական բնակիչների» հանդեպ խարդախության և կանխամտածված ծաղրանքի մեջ: Այդ մասին գրում է The Associated Press-ը:
Աղբյուրի տվյալների համաձայն՝ Քուշների ընկերությունը բազմաբնակարան շենքեր է գնել, վերանորոգել և վաճառել է դրանք՝ օգուտ քաղելով, ինչի արդյունքում տեղի բնակիչների կյանքը դժոխքի է վերածվել:
Վարձակալը իրավունք ունի բնակիչներից պահանջվող գումարի չափը բարձրացնել ոչ ավել, քան 1%-ով: Սակայն սոցիալական բնակչին տնից հանելուց հետո, հաջորդ բնակչից պահանջվում է 20%-ով ավելի գումար: Իսկ շինությունները, որոնցում սոցիալական բնակարաններ չկան, սկսում են թանկանալ, քանի որ միևնույն տարածքները կարելի է վարձով տալ երկու-երեք անգամ թանկ վարձավճարով:
Ինչպես հայտնում է գործակալությունը իրավապաշտպան Աարոն Կարը եկամուտը մեծացնելու նման ճանապարհն անվանել է «շինարարական ոտնձգություն» և «կտտանք» բնակիչների հանդեպ:
Դեպքի առթիվ Նյու Յորքի քաղաքային խորհուրդը հետաքննություն է սկսել ընկերության գործունեության շուրջ: Թիրախակետում է հայտնվել 13 բազմաբնակարան շինություն, որոնք գնվել և վերանորոգվել են Kushner Cos-ի կողմից:
