Նախօրեին առավոտյան ժամը 7-ի սահմաններում ձերվակալվել էր անցած տարի սեպտեմբերին Թուֆենկյան հյուրանոցի բակում հրազենային վիրավորում ստացած Ալավերդիում հայտնի քրեական հեղինակություն Վահագն Աբգարյանը՝ Ալավերդցի Վահագը։
«Առաջին լրատվական»-ի տեղեկություններով՝ Ալավերդցի Վահագի հետ ձերբակալված երկու անձանցից մեկը երեկ ազատ է արձակվել։ Իսկ Վահագն Աբգարյանին այսօր մեղադրանք կառաջադրվի։ Նա երեկ հարցաքննվել է։
Հիշեցնենք, որ մինչ Ալավերդցի Վահագի ձերբակալությունը ԱԱԾ-ն խուզարկություններ էր իրականացրել նաև Ալավերդիում նրան պատկանող հյուրանոցում, դեղատանը: Խուզարկությունների ժամանակ հայտնաբարվել էր պայթուցիկ նյութ՝ տրոտիլ։ Այն, սակայն, Ալավերդցի Վահագի հետ կապ չի ունեցել։ Պայթուցիկ նյութ պահելու համար հունվարի 18-ին երեկոյան ձերբակալվել է Մ. Ռ-ն. Ով հանցավոր համագործակցությանը մասնակցելու եւ ապօրինի կերպով պայթուցիկ նյութեր ձեռք բերելու եւ պահելու մեղադրանքով արդեն կալանավորվել է։ Նա ընդունել է, որ տրոտիլ տեսակի պայթուցիկն ինքն է ձեռք բերել եւ պահել:
Հիշեցնենք, որ նա ձերբակալվել է անցած տարի Ալավերդիի շուկայի տարածքում կատարված սպանությունը կազմակերպելու կասկածանքով։
2017 թվականի հունիսի 13-ին 12:10-ի սահմաններում, Ալավերդու կենտրոնական Թումանյան փողոցի ամենաբանուկ հատվածում «Կատա» սուպերմարկետի շենքում գտնվող և մայրուղուն հարող ծաղկի խանութից արձակված հրազենային կրակոցներից սպանվել է Ալավերդի քաղաքի Զորավար Անդրանիկի 22 շենքի բնակիչ, 30-ամյա Կամո Փիրուզյանը: Կամո Փիրուզյանը շտապօգնության մեքենայով Ալավերդու բժշկական կենտրոնի հիվանդանոց տեղափոխելիս ճանապարհին մահացել էր։ Կամո Փիրուզյանին հրազենային կրակոցներով սպանող անձը տեղում հանձնվել էր ոստիկանությանը:
Կամո Փիրուզյանի սպանությունը Ալավերդիում 2016թ.-ի հունիսի 6-ի քաղաքապետի ընտրության ընթացքում սկսված «ռազբորկաների» շարունակությունն էր։
