«Հեղինակությունների հետ շատ եմ շփվել, նրանց մեջ շատ դրական մարդիկ կան, պարտադիր չէ, որ քրեական հեղինակություն լինեն։ Ճիշտն ասած՝ կոնկրետ այս հարցի մեջ ինձ համար ամենաարժեքավորը կլիներ այն, որ մարդն օգներ երկրին։ Մենք ի՞նչ կարանք ասենք, ինչո՞ւ այնպես անենք, որ մարդը հիասթափվի։ Այլ հարց է՝ ի՞նչ կա, որ մենք չգիտենք, ԱՄՆ-ին ինչո՞ւ է հուզել այդ անձը»,- «Առաջին լրատվական»-ի հետ զրույցում, անդրադառնալով Ռուբեն Թաթուլյանի (Ռոբսոն)՝ ԱՄՆ ֆինանսների նախարարության սահմանած պատժամիջոցների ցանկում հայտնվելու հանգամանքին, ասաց «Անկախ դատավոր» ՀԿ իրավապաշտպան կազմակերպության նախագահ, փաստաբան Պարգև Օհանյանը։
Մեր զրուցակցի կարծիքով՝ ԱՄՆ-ը սրանով քաղաքականություն է իրականացնում և փորձում է մեսիջ հղել. «Ես այդ մարդուն չեմ ճանաչում, ոչինչ ասել չեմ կարող։ Այո՛, հեղինակությունները շատ ակտիվ են բոլոր երկրներում՝ ընտրությունների ժամանակ։ Բնականաբար, նրանք պետք է մասնակից լինեն հենց նույն ԱՄՆ-ում, գուցե պարզապես չեն երևում։ Պետք է աշխատանք տարվի, իսկ այդ աշխատանքը տարվում է հայտնի մարդկանց միջոցով»։
Հարցազրույցն ամբողջությամբ՝ տեսանյութում:
