Գագիկ Ծառուկյանից բացարձակ նկատողություն չեմ ստացել։ Այդ մասին «Առաջին լրատվական»-ի հետ զրույցում ասաց ԱԺ «Ծառուկյան» խմբակցության պատգամավոր Նապոլեոն Ազիզյանը, անդրադառնալով հարցին՝ արդյո՞ք Դատական օրենսգրքում փոփոխություններ կատարելու մասին նախագծին կողմ քվեարկելուց հետո Գագիկ Ծառուկյանը իրեն նկատողություն չի տվել խմբակցության գծից շեղվելու և իր հայտարարությունների համար՝ թե ոչ «Ծառուկյան» խմբակցության, ոչ «Ելք»-ի խաղալիքը չէ, ինչպես կուզի՝ կքվեարկի։ Նապոլեոն Ազիզյանը կրկին շեշտեց, որ իրենց խմբակցությունում սկզբնական շրջանում պայմանավորվածություն է եղել, որ կողմ են քվեարկելու, ուստի ինքը կողմ է քվեարկել, հետո քարտուղարություն է գնացել, որպեսզի քվեարկությունը չեղյալ համարի, սակայն չի հասցրել։
Անդրադառնալով դիտարկմանը, որ իր հասցեին հնչում են տեսակետներ, թե իշխանությունից գործուղված է, պատգամավորը ասաց․
«Ոնց կարամ գործուղված լինեմ։ Որ գործուղված լինեի՝ էս օրի՞ն կլինեի, մի բանի տեր էլ մեք կլինեինք, սուտ բաներ են խոսում, ինտրիգներ են սարքում»,- ընդգծեց նա։
