Hurriyet թուրքական թերթն անդրադարձել է ապրիլի 23-ին Երևանում անցկացված ջահերով երթին, որի շրջանակներում մասնակիցներն այրել են Թուրքիայի և Ադրբեջանի դրոշները: Հոդվածը կրում է «Ցնցող լուսանկար Երևանից… այրում են թուրքական դրոշը» խորագիրը:
Թերթը գրում է, որ դրոշի այրման գործընթացին մասնակցել են «Հանրապետական» և «Դաշնակցություն» կուսակցությունների երիտասարդական թևերը, «Երկիր Ծիրանի» կուսակցությունը, ինչպես նաև Լեռնային Ղարաբաղը և Սփյուռքը: «Երևանի կենտրոնում՝ Ազատության հրապարակում սկսված հանրահավաքի ժամանակ ցուցարարներն այրել են Թուրքիայի և Ադրբեջանի դրոշները: Ցույցը շարունակվել է երկու ժամ»,- գրում է թերթը:
