Հոկտեմբերի 21-23-ը Լեհաստանի մայրաքաղաք Վարշավայում տեղի կունենա Խաղաղության Նոբելյան մրցանակի դափնեկիրների գագաթնաժողովը: Այս մասին հաղորդում է RIA Novosti-ն՝ վկայակոչելով Լեխ Վալենսայի ինստիտուտի ներկայացուցիչ Զադիսլավ Վույչիկին:
«Հանդիպումը կանցկացվի «Համերաշխություն հանուն խաղաղության՝ ժամանակն է գործելու» կարգախոսի ներքո: Դա կլինի Խաղաղության Նոբելյան մրցանակի դափնեկիրների 13-րդ համաշխարհային գագաթնաժողովը»,- նշել է Վույչիկը:
Առաջին անգամ է, որ համաժողովը կազմակերպվում է Արևելյան Եվրոպայում:
Գագաթնաժողովին կմասնակցեն Խաղաղության Նոբելյան մրցանակի տարբեր տարիների դափնեկիրներ, այդ թվում՝ Լեհաստանի նախկին նախագահ Լեխ Վալենսան, տիբեթցի հոգևոր առաջնորդ Դալայ-Լաման, ԽՍՀՄ նախկին ղեկավար Միխաիլ Գորբաչովը, Հարավաֆրիկյան Հանրապետության նախկին նախագահ Շիրին Էբադին և շատ ուրիշներ:
Վույչիկի խոսքերով՝ Լեհաստանի համար այս գագաթնաժողովը ոչ միայն ազդեցիկ է, այլ նաև ունի պատմական նշանակություն: Այն տեղի կունենա Վարշավայում՝ Գիտության և մշակույթի պալատի կոնգրեսների դահլիճում: Գագաթնաժողովի պաշտոնական փակումը նախատեսված է Մեծ թատրոնում:
