Հալեպ մարդասիրական օգնություն մատակարարող ավտոշարասյան գնդակածման հետևանքով շատերն են զոհվել։ Այս մասին հայտարարել է ՄԱԿ-ի գլխավոր քատուղարի մարդասիրական հարցերով տեղակալ Ստիվեն Օ՝Բրայենը։
«Նախնական տեղեկությունները վկայում են, որ այդ նողկալի հարձակումից շատ մարդիկ են սպանվել կամ լրջորեն վիրավորվել, ներառյալ կամավորներ Սիրիական արաբական կարմիր մահիկից»,-ասվում է Օ՝Բրայենի հայտարարությունում։ Նշվում է նաև, որ գնդակոծման տակ է հայտնվել Սիրիական Կարմիր մահիկի պահեստն ու հիվանդանոցը։
Նա դատապարտել է այդ հարձակումը՝ նշելով, որ հակամարտող բոլոր կողմեր իրազեկված են եղել այդ մարդասիրական շարասյան մասին։
Նա հայտարարել է այդ հարձակումը ռազմական հանցագործություն ճանաչելու հնարավոության մասին, եթե ապացուցվի, որ այն նպատակաուղղած է եղել մարդասիրական ծառայությունների աշխատակիցների դեմ։
ՄԱԿ-ի ներկայացուցչի խոսքով՝ Ուրամ-ալ-Կուբրա բնակավայր օգնություն փոխադրող 31 մեքենայից 18-ը վնասվել են։
Սիրիայում մարդու իրավունքների պաշտպանության մոնիտորինգի կենտրոնը հայտնում է, որ ավիահարձակման հետևանքով զոհվել է 12 մարդ, որոնց մեծ մասը բեռնատարների վարորդներ են, ինչպես նաև կազմակերպությունների աշխատակիցներ։
