ԱՄՆ նախագահ Հիլարի Քլինթոնի վատ ինքնազգացողությունը, որի պատճառով նա ստիպված է եղել լքել սեպտեմբերի 11-ի զոհերի հիշատակի արարողությունը, կանդրադառնա նրա նախընտրական արշավի վրա: Այս մասին գրում է The Washington Post-ը:
Նշվում է, որ դեպքը տեղի է ունեցել Քլինթոնի արշավի համար շատ անհաջող ժամանակ և նրա առողջության հարցը դարձրել է նախագահական պայքարի առաջիկա օրերի հիմնական թեման: Այդ դեպքից հետո Քլինթոնն արդեն չի կարողանա կատակով ազատվել իր առողջության մասին հարցերից:
Պարբերականը նշում է, որ Քլինթոնի մամլո ծառայությունը սխալ է արել՝ դեպքից մեկուկես ժամ անց հայտարարություն անելով, որ նախագահի թեկնածուն իրեն վատ է զգացել շոգի պատճառով: Բացի դրանից՝ քաղաքական գործչին մշտապես ուղեկցող լրագրողներին թույլ չեն տվել հետևել նրան:
Կիրակնօրյա դեպքի լույսի ներքո Քլինթոնի թիմի հավաստիացումները նրա առողջության վերաբերյալ արդեն բավարար չեն: Առողջ մտածող մարդիկ կարող են հարցեր տալ և կտան նրա առողջության մասին, ասվում է հոդվածում:
Ավելի վաղ հաղորդվում էր, որ Հիլարի Քլինթոնին թոքաբորբ է ախտորոշվել նախքան սեպտեմբերի 11-ի զոհերի հիշատակի արարողությանը գնալը:
