Հունգարիայի արտգործնախարար Փիթեր Սիյարտոն հայտարարել է, որ ՆԱՏՕ-ի անդամներից որևէ մեկի վրա Ռուսաստանի հարձակման հավանականությունը «ոչ իրատեսական» է՝ գրում է Index.hu-ն։
«Ես չեմ կարծում, թե ենթադրությունն առ այն, թե Ռուսաստանը կարող է հարձակվել ՆԱՏՕ-ի որևէ անդամի վրա, այժմ իրատեսական է»,- ասել է նա։
Սիյարտոյի խոսքով՝ ՆԱՏՕ-ի յուրաքանչյուր անդամ յուրովի է զգում Ռուսաստանից եկող ենթադրյալ սպառնալիքը։ Նախարարը հավելել է, որ Հունգարիան Ռուսաստանին վերաբերվում է ոչ այնպես, ինչպես շատ այլ անդամ երկրներ՝ նշելով, որ Մոսկվան սպառնալիք չի ներկայացնում։
Ինչպես հաղորդվել է՝ ամերիկյան վերլուծական Atlantic Council կենտրոնի փորձագետները նոր հետազոտությունում եկել են այն եզրակացության, որ Ռուսաստանը կարող է ընդամենը մեկ գիշերում գրավել Լեհաստանը։
