Իսպանական ակումբների առջև խնդիր է դրված մարել բոլոր պարտքերը մինչև 2020 թվականը: 2011/12 թվականների մրցաշրջանի մեկնարկից առաջ այն 3.3 մլրդ եվրո էր կազմում: Ակումբները պարտք են մնացել հիմնականում հարկային մարմիններին: Ընթացիկ տարվա պարտքերի ընդհանուր թիվը 690.4 մլն է կազմել: Այդ մասին հայտնում է AFP-ն:
Իսպանական պրոֆեսիոնալ ֆուտբոլային լիգան պահանջել է, որ բոլոր ակումբները ներկայացնեն առաջիկա մրցաշրջանի համար նախատեսված բյուջեները:
Սկսած 2014/15 թվականների մրցաշրջանից յուրաքանչյուր ակումբ հատուկ ֆոնդ կուղարկի հեռուստատեսային իրավունքների վաճառքի 35%-ը, ինչը յուրատեսակ երաշխավորություն կլինի այն դեպքի համար, եթե ակումբը ժամանակին չմարի պարտքերը:
