ԱՄՆ պետքարտուղար Ջոն Քերին՝ ելույթ ունենալով «Սիրիայի բարեկամներ» խմբի հանդիպման ժամանակ, հայտարարել է, որ աջակցությունը, որը ցույց է տալիս Ռուսաստանը Բաշար Ասադի ռեժիմին, հանգեցրել է Սիրիայում զինված գործողությունների ակտիվացմանը:
Նա նշել է, որ Ռուսաստանը, «իբր թե ձգտում է հակամարտության քաղաքական լուծմանը», սակայն հնարավոր է դարձրել Ասադի՝ Իրանի և «Հըզբոլլահի» հետ միավորվելու ջանքերը: Իսկ ընդդիմությունը, որին պատրաստվում են աջակցել «Սիրիայի բարեկամները» պաշտպանում է ողջ ժողովրդին, Ասադն էլ պատերազմում է այդ մեծամասնության դեմ:
Քերին, սակայն, վստահություն է հայտնել, որ Ռուսաստանը չի ցանկանում աջակցել ծայրահեղականության աճին: Նա հավատում է Ռուսաստանի պատրաստակամությանը՝ արձագանքել «Ժնև-2»-ի գումարմանը: Ըստ Քերիի՝ դրա մասին է վկայում այն, որ ՌԴ նախագահ Վլադիմիր Պուտինը G8-ի գագաթնաժողովի ժամանակ մյուսների հետ համատեղ ստորագրել է Սիրիայի խնդրին առնչվող փաստաթղթի տակ:
Այս մասին հաղորդում է Interfax-ը:
