Մոսկվայի «Սպարտակ»-ի նախկին կիսապաշտպան Արազ Օզբիլիսը, ով ներկայում վարձակալական հիմունքներով հանդես է գալիս «Ռայո Վալեկանո»-ում, Матч ТВ-ի հետ զրույցում նշել է, որ իր համար անհասկանալի է, թե ինչու Դմիտրի Ալենիչևն իրեն չէր ընդգրկում մոսկովյան ակումբի մեկնարկային կազմում։
«Դա մարզչի որոշումն էր։ Այդպիսին է նրա աշխատանքը։ Բայց ֆուտբոլիստն իրավունք ունի իմանալ պատճառը։ Օրինակ՝ Ալենիչևին հարցնում էի, թե ինչու չի ընդգրկում կազմում․ ոչինչ չէր կարողանում պատասխանել։
Ասում էր այսպես․ «Այո այո, բայց դու գիտես, որ մրցակցում ես Պրոմեսի հետ։ Քեզ համար դժվար է մրցակցել»։ Երբ դա լսեցի երրորդ անգամ, այլևս չշփվեցի Ալենիչևի հետ։ Առաջին 5 խաղում ընդհանրապես չեմ խաղացել։
Սկզբում խաղում էին Պրոմեսն ու Պոպովը, այնուհետև՝ Պրոմեսն ու Ջանոն։ Նույնիսկ Յուրային էին եզր ուղարկում, իսկ ինձ՝ ոչ մի դեպքում։
Ալենիչևը խոսում էր Պրոմեսի հետ մրցակցության մասին, բայց պատճառը միայն դա չէր։ Կարող էի հիանալի խաղալ նաև Պրոմեսի հետ։ Չէի հասկանում պատճառները, որոնք առաջ էր քաշում Ալենիչևը։ Պատճառ չկար»,- նշել է Արազը։
