Թուրքիայի փոխվարչապետ Յալչըն Աքդողանը և արդարադատության նախարար Բեքիր Բոզդաղը Twitter-ին քննադատել են #WeLoveErdogan հեշթեգի հեռացման համար, հայտնում է RIA Novosti-ն:
«Շատ տարօրինակ է, որ Twitter-ը հեռացրել է հեշթեգը: Թե դա ինչպես է տեղի ունեցել, անհայտ է, սակայն մենք դա անվանում ենք երկերեսանիություն: Ինչո՞ւ է «մենք սիրում ենք Էրդողանին» արտահայտությունը ինչ-որ մարդկանց կատաղեցնում: Ինչո՞ւ են ցենզուրա մտցրել»,- հայտարարել է Աքդողանը 24 TV հեռուստաալիքի եթերում:
Բոզդաղը նույնպես այդ առիթով հայտարարություն է արել: «Ես Twitter-ի վարչությանը հարցնում եմ. ո՞վ է ձեզ հանձնարարել հեռացնելու #WeLoveErdogan հեշթեգը: Դա երկի՞ր է, մա՞րդ, ահաբեկչական կազմակերպությո՞ւն, թե՞ մեկ ուրիշը»,- ասել է նա լրագրողներին:
Twitter-ի ղեկավարությունը դեռ չի մեկնաբանել Թուրքիայի նախագահին նվիրված հեշթեգի հեռացումը:
