Ռաս-էլ-Հայմա էմիրության ոստիկանությունն ու իշխանությունները խնդրում են հյուրերին ավելի համեստ հագնվել, տեղեկացնում է տեղական The National հրատարակչությունը:
Հասարակական լողափերում հայտնվել են կանանց բիկինիները և տղամարդկանց նեղ լողազգեստներն արգելող ցուցատախտակներ: Ընդ որում՝ ավելի փակ հագուստով լողալը և արևահարվելն արգելված չէ: Կանոնները խախտողներն առաջին անգամ կնախազգուշացվեն, իսկ երկրորդ անգամ կտուգանվեն: Տուգանքի չափը դեռ որոշված չէ:
Ռաս-էլ-Հայմայում կանանց համար առանձին լողափեր չկան, իսկ խաջիբ կրող տեղի մահմեդական կանայք հանգստյան օրերին կամ երեկոներն իրենց ընտանիքների հետ զբոսնում են ծովի ափին: Այդ պատճառով էլ ոստիկանությունը զբոսաշրջիկներին կոչ է արել հարգել տեղի մշակութային ավանդույթները և էթիկայի կանոնները:
Իրավապահները ծրագրում են հյուրանոցների պատերին հագուստի վերաբերյալ ցուցատախտակներ փակցնել, որպեսզի մարդիկ մինչև լողափ գնալը տեղեկացված լինեն, թե ինպես է պետք հագնվել:
