Գվատեմալայի բանտերից մեկում կալանավորների բարձրացրած խռովության զոհերի թիվն աճել է մինչև 16: Այս մասին հայտնում է տեղական Prensa Libre պարբերականը՝ հղում անելով բանտի ներկայացուցիչներին:
Ավելի վաղ հաղորդվում էր 6 զոհի մասին:
Էսկուինտլա քաղաքում հատուկ ռեժիմի բանտում հուզումները սկսվել են կիրակի: Խռովության մասնակիցներից ոմանք զինված են եղել «ԱԿ-47» ինքնաձիգներով: Անկարգությունը ճնշելու համար բանտ են ուղարկվել զինծառայողներ և ոստիկաններ:
Որպես խռովության պատճառ նշվում է բանտարկյալների հակառակորդ խմբավորումների միջև թշնամանքը:
