Անգլիայի Պրեմիեր Լիգայի մարտ ամսվա լավագույն մարզիչ է ճանաչվել «Էվերթոն»-ը գլխավորող Դևիդ Մոյեսը, իսկ լավագույն ֆուտբոլիստ՝ Յան Վերտոնգենը՝ «Տոտենհեմ»-ից:
Մոյեսի գլխավորությամբ «Էվերթոն»-ը մարտին 3 խաղերում նույնքան հաղթանակ տոնեց՝ առավելության հասնելով «Ռիդինգ»-ի (3:1), «Մանչեսթեր Սիթի»-ի (2:0) և «Սթոք Սիթի»-ի (1:0) նկատմամբ: Ընթացիկ մրցաշրջանում Մոյեսը լավագույն մարզիչ էր ճանաչվել նաև սեպտեմբեևրին:
Վերտոնգենը մարտին դուբլի հեղինակ դարձավ «Լիվերպուլ»-ի դեմ խաղում, իսկ լոնդոնյան ակումբը պարտվեց 2:3 հաշվով: Բելգիացի պաշտպանը գոլի հեղինակ դարձավ նաև «Սուոնսի»-ի դեմ խաղում (2:1): 25-ամյա Վերտոնգենը Պրեմիեր Լիգայի ամսվա լավագույն ֆուտբոլիստ ճանաչվեց առաջին անգամ:
