«Կարող եմ կանխատեսել, թե ով հավանաբար կդառնա Հայաստանի Հանրապետության հաջորդ ղեկավարը, սակայն այդ մարդու անունն առայժմ չեմ տա մի շարք պատճառներով»,- հայտարարել էր Վաշինգտոնում գտնվող ՀՀ նախագահ Սերժ Սարգսյանը՝ ամերիկյան առաջատար վերլուծաբանների հետ քննարկումների ընթացքում, ինչի մասին հաղորդել է «Ամերիկայի ձայնը»:
Լուրը հնչեց Նահանգներում, գլորվեց-հասավ Հայաստան: Ոմանք այն լսելով զարմացան, ոմանք էլ զարմացան հենց այդ զարմանքի վրա: Վկա է ԱԺ ՀՀԿ խմբակցության պատգամավոր Լեռնիկ Ալեքսանյանը. «Գաղտնիք չէ, որ մեր նախագահը խելացի է և միշտ մտածում է մեկ քայլ առաջ, մենք գիտեինք, որ նա արդեն թեկնածու ունի»:
Այս հայտարարությունների կապակցությամբ «Նախախորհրդարանի» անդամ Վարդան Հակոբյանը կոչ է անում ընդդիմությանը ավելի ակտիվ գործել և ժամ առաջ անգամ նմանատիպ հայտարարությունների դեմն առնել:
Մինչդեռ ՀՀԿ-ական պատգամավորը հանգիստ է՝ վստահ հետագա հաղթանակին:
