Starslife.ru-ի փոխանցմամբ՝ բժիշկները երգչուհի Լեդի Գագային թույլ են տվել վերադառնալ ակտիվ ուժային մարզումներին: Ավելի վաղ Լեդի Գագան խոստովանել էր, որ մի քանի տարի առաջ լրջորեն վնասել է ազդրը, և այդ պատճառով բժիշկը նրան արգելել է ակտիվորեն զբաղվել սպորտով և ծանրաբեռնել վնասված վերջույթը:
Բնականաբար, այդպիսի կենսակերպպը չէր կարող չազդել նրա կազմվածքի վրա: Լեդի Գագան հայտարարել է. «Ես կոտրել էի ազդրս: Որևէ մեկը չգիտեր այդ մասին, ես անգամ երկրպագուներին չէի հայտնել: Դա մեծ սթրես էր ինձ համար»:
Լեդի Գագան բուժման կուրս է անցել ավելի քան երկու տարի: Նա շնորհակալություն է հայտնել բժշկին, որ վերստին կարող է զբաղվել սպորտով, ինչպես նաև իր մարզչին, որ նա իրեն օգնում է լավ զգալ իրեն: Լեդի Գագան արդեն իսկ սոցցանցերում հրապարակել է իր լուսանկարները, որոնք վկայում են, որ նա արդեն իսկ ձեռնամուխ է եղել պարապմունքներին: