WalMart-ը 440 հազար դոլար կվճարի` ընկերության աշխատակիցների միջև ռասակայն կոնֆլիկտները անուշադրության մատնելու համար:
Աշխատանքային պայմանների հավասար հնարավորությունների ապահովման ԱՄՆ-ի հանձնաժողովը դատական հայց էր ներկայացրել WalMart-ի դեմ` այն բանի համար, որ վերջինս անուշադրության էր մատնել Կալիֆոռնիայի իր Sam’s Club ցանցի խանութներից մեկի աշխատակցուհու կողմից ծագումով մեքսիկացի աշխատողներին նվաստացնելու դեպքերը:
Այդ աշխատակցուհին մի քանի ամսվա ընթացքում նվաստացրել էր խանութի 9 մեքսիկացու` անընդհատ շեշտելով, որ մեքսիկացիները կարող են միայն հավաքարարի աշխատանք կատարել: Տուժողները դիմել էին Sam’s Club-ի ղեկավարությանը, սակայն վերջինս անտեսել էր նրանց բողոքները: Մեքսիկացիներին նվաստացնող աշխատակցուհին գերազանց վաճառողուհի է եղել, այդ պատճառով էլ ղեկավարությունը աչք է փակել նրա վարքագծի վրա:
Սա առաջին դեպքը չէ, երբ աշխատակիցների միջև խտրականության դրսևորումների հետ կապված WalMart-ի դեմ դատական հայց է ներկայացվում: 2009թ. ընկերությունը 17.5 մլն դոլար վճարեց այն բանի համար, որ խտրականություն է դրել բեռնատարների վարորդներ աշխատանքի ընդունելու հարցում: 2010թ. ընկերությունը վճարել է 11.7 մլն դոլար` այն բանի համար, որ Լոնդոնի իր խանութների ցանցերից մեկում 1998-2005թթ. աշխատանքի է ընդունել հիմնականում տղամարդկանց:
WalMart-ի 8900 խանութները գործում են աշխարհի 15 երկրներում` 59 բրենդներով: Ընկերության հասույթը 2010թ. կազմել է 405 մլրդ դոլար:
