Goldman Sachs Group Inc.-ի վերլուծաբանները կանխատեսում են, որ 2011 թ. սկսած՝ ԱՄՆ-ում դոլարի ամենակտրուկ թուլացումը երկարաժամկետ չի լինի, հաղորդում է Bloomberg գործակալությունը: Նրանց կարծիքով՝ ներդրողները կարող են շահույթ ստանալ՝ այժմ ամերիկյան արժույթ գնելով, քանի որ ԱՄՆ-ի տնտեսության աճի տեմպերն արագանում են:
Գործակալության ինդեքսը, որը հետևում է դոլարի գնի տատանումներին համաշխարհային 10 հիմնական արժույթների նկատմամբ, 2015 թ. ապրիլին 3 տոկոս է կազմել: Ամսվա կտրվածքով ամենամեծ անկումը 2014 թ. հունիսին է գրանցվել, որը 2011 թ. հոկտեմբերից սկսած ամենազգալին է դարձել:
Կանխատեսումները չարդարացրած ամերիկյան վիճակագրությունը, այդ թվում նաև առաջին եռամսյակում ՀՆԱ-ի վերաբերյալ տվյալները, ամրապնդել են սպասումները, որ Դաշնային պահուստային համակարգը կհետաձգի տոկոսային դրույքների բարձրացումը: Այս տարի սպասվող զբաղվածության մասին տվյալները ներառված են տնտեսական ցուցանիշների մեջ, որոնցով կողմնորոշվում է Դաշնային պահուստային համակարգը դրույքների ավելացման ամսաթիվը որոշելիս:
Goldman Sachs-ի փորձագետները կանխատեսում են, որ աշխարհի խոշորագույն տնտեսությունը երկրորդ եռամսյակին հունվար-մարտ ամիսների գրեթե զրոյական ցուցանիշից հետո 2,9 տոկոս աճ կգրանցի:
Վերլուծաբանների կարծիքով՝ մոտակա 12 ամիսներին դոլարը կարող է ամրապնդվել 18 տոկոսով՝ մեկ եվրոյի դիմաց 0,95 կազմելով:
