Օհայո նահանգի համալսարանի գիտնականները հանգել են այն եզրակացության, որ սննդի ընդունումից հետո ամուսինների կողմից հարաբերությունների պարզաբանումը հղի է ճարպակալմամբ։ Այսպես, տարվա ընթացքում յուրաքանչյուր վիճող ռիսկի է դիմում հավաքելու 5.5 կգ։ Այս մասին հաղորդում է Mail Online–ը։
Ամերիկացի գիտնականների հետազոտությանը մասնակցել են 24-61 տարեկան 43 առողջ ընտանեկան զույգեր, որոնք ունեցել են երեք տարուց ոչ պակաս ընտանեկան ստաժ։
Սնվելուց 2 ժամ հետո հետազոտողները ամուսիններին առաջարկել են քննարկել և փորձել լուծել մեկ կամ մի քանի պրոբլեմ, որոնք անպայմանորեն կոնֆլիկտի էին հանգեցնում։ Գիտնակններն ընտրել են առավել «սուր» թեմաներ՝ փող, հարաբերություններ և ազգականներ։
Այնուհետև համալսարանի աշխատակիցները նրանց ծախսած էներգիան հաշվել են ընդունած թթվածնի և արտաշնչած ածխաթթու գազի քանակով և հանգել այն եզրակացության, որ բուռն վիճողներն ավելի քիչ կալորիա են այրել, քան պակաս սկանդալային զույգերը։ Վիճաբանող ամուսիններն ունեցել են ինսուլինի ավելի բարձր մակարդակ, ինչը նպաստել է ճարպի կուտակմանը, և տրիգլիցերիդի՝ արյան մեջ պարունակվող ճարպերի ավելի մեծ քանակություն։