ԱԺ էթիկայի հանձնաժողովի վերաբերյալ քաղաքական մեծամասնության նախագիծը հիշեցնում է դոմինո խաղը. այսօր լրագրողների հետ հանդիպման ժամանակ այս մասին ասաց ԱԺ ԲՀԿ-ական պատագամավոր Լյովա Խաչատրյանը՝ խոսելով էթիկայի հանձնաժողովի շուրջ ԱԺ-ում առաջացած անհամաձայնության շուրջ:
Լյովա Խաչատրյանը նշեց, որ Էթիկայի հանձնաժողովը սպանեցին հայկական էթիկայի կանոններով: «Բայց որոշումը դեռևս համաձայնեցված չէ»,- նկատեց նա:
Արձագանքելով Լյովա Խաչատրյանի դիտարկումներին՝ Մանվել Բադեյանն ասաց, թե ինչ նկատառումներից ելնելով է Հանրապետականը նախագիծ կազմել: Ըստ նրա՝ ԱԺ էթիկայի հանձնաժողովի վերաբերյալ Հանրապետականի նախագիծը կազմվել է այնպես, որ պերսոնաների վերաբերյալ միտումնավոր քաղաքական որոշումներ չլինեն: «ԱԺ-ում ունենք վեց խմբակցություն, երկուսն՝ իշխանական, 3-ը՝ ընդդիմադիր, մեկն էլ՝ իբր ընդդիմադիր: ԱԺ-ում, որտեղ իշխող ուժը մեծամասնություն է կազմում, պերսոնաների հարցը կարող է քննարկվել և կարող է կայացվել քաղաքական որոշում, որովհետև ընդդիմադիրներն են հանձնաժողովում մեծամասնություն: Մեր առաջարկը կոմպրոմիսների դաշտ է բերում պերսոնաների հարցը»,- պարզաբանեց Մանվել Բադեյանը:
