Հոլիվուդյան դերասան Մարկ Ռուֆալոն («Աիծյալների կղզին», «Վրիժառուները») էլեկտրոնային նամակ է ուղարկել «Աստղային պատերազմների» 8-րդ էպիզոդի ռեժիսոր Ռայան Ջոնսոնին՝ ֆիլմում իր համար որևէ դեր պահելու խնդրանքով: Այս մասին Ռուֆալոն հայտնել է Collider պարբերականին տված հարցազրույցում:
Դերասանը հիշեցրել է, որ Ջոնսոնի մոտ նկարահանվել է «Բլում եղբայրները» ֆիլմում: Ռուֆալոն պատմել է նամակի բովանդակությունը. «Ռայա՛ն, ընդունիր իմ շնորհավորանքները այն ամենի առնչությամբ, ինչ անում ես: Ի դեպ, եթե կա որևէ դեր «Աստղային պատերազմներում», խնդրում եմ մտածիր այն մասին, թե կկարողանա՞մ միանալ Ձեզ»:
Նա նաև նշել է, որ հավանաբար կհամաձայնի նույնիսկ փոքր դերի, քանի որ պարզապես սիրում է շփվել Ռայանի հետ:
Ներկայում 7-րդ էպիզոդը նկարահանում է ռեժիսոր Ջեյ Ջեյ Աբրամսը: Ծրագրված է ֆիլմն էկրան դուրս բերել 2015-ի դեկտեմբերի 18-ին: 8-րդ էպիզոդի նկարահանումները կսկսվեն 2015-ից ոչ շուտ:
