ՆԱՏՕ-ի խորհուրդը դեսպանների մակարդակով ուրբաթ առավոտյան Բրյուսելում կանցկացնի արտակարգ հանդիպում քննարկելու համար Ուկրաինայում ռուսական ռազմական ներկայության մասին տեղեկությունը, հաղորդում է «Ֆրանս պրես» գործակալությունը՝ հղում անելով դիվանագիտական աղբյուրի։
28 դեսպանների հանդիպման շրջանակներում տեղի կունենան խորհրդակցություններ Ուկրաինայում դաշինքի ներկայացուցչի հետ։
Հինգշաբթի Ուկրաինայի նախագահ Պյոտր Պորոշենկոն հայտարարել է, թե «տեղի է ունեցել ռուսական զորքերի ներխուժում Ուկրաինա»։ Եվրամիությունում ՌԴ մշտական ներկայացուցիչ Վլադիմիր Չիժովը հայտարարել է, թե Ուկրաինայում գտնվում են միայն ինը ռուսական զինվորականներ՝ դեսանտայիններ, որոնք պատահաբար են հայտնվել այդ երկրի տարածքում և ձերբակալվել են։
