Բեյոնսեի ու Ջեյ-Զիի On the Run համերգային շրջագայությունը շարունակվել է Կալիֆոռնիայի Պասեդան քաղաքում:
Վառ շոուի և կոկտեյլային երեկույթի հյուրեր են դարձել Սալմա Հայեքը ամուսնու՝ Ֆրանսուա-Անրի Պինոյի հետ, Քորթնի Լավը, Մրայա Քերիի ամուսին Նիք Քեննոնը, դերասան Քևին Հարթը և զույգի ստեղծագործությունների այլ հերոսներ:
Նշենք, որ 32-ամյա Բեյոնսեի և 44-ամյա Ջեյ Զիի ամուսնալուծության մասին լուրերն ավելի մեծ թափ են ստանում և ամրապնդվում նոր մանրամասներով: Հայտնի է դարձել, որ շրջագայության ընթացքում նրանք կանգ են առնում ոչ միայն առաձին համարներում, այլև տարբեր հյուրանոցներում: Ավելին, յուրաքանչյուրը համերգին ժամանում է առանձին՝ ամուսինները հանդիպում են հենց շոուի ժամանակ:
Այսօր աստղային զույգը ելույթ կունենա Լոս Անջելեսում, իսկ հաջորդ օրը երկու համերգ կտա Սան Ֆրանցիսկոյում: Սեպտեմբերի 12-ին և 13-ին շրջագայությունը կավարտվի Փարիզում:
Հյուրախաղերի կազմակերպիչներին, սակայն, լրջորեն անհանգստացնում են զույգի միջև առկա տարաձայնությունները: Նրանք վախենում են, որ վերջին համերգները կարող են չեղյալ հայտարարվել: Ընտանիքում խնդիրներից ամենակարևորը Ջեյ-Զիի՝ ամեն ինչ կառավարելու ձգտումն էր:
