Չիկագոյում անհայտ անձինք հրաձգություն են իրականացրել, ինչի հետևանքով զոհվել է 1, վիրավորվել 6 մարդ: Այս մասին հայտնում է Chicago Tribune-ը՝ հղում անելով տեղի ոստիկանությանը:
Դեպքը տեղի է ունեցել տեղի ժամանակով ժամը մոտ 18.00-ին (Երևանի ժամանակով՝ 03.00-ին): Ինչպես հայտնել է քաղաքի ոստիկանության ներկայացուցիչը, գլխին ստացած վնասվածքից տեղում մահացել է 13-ամյա դեռահաս: 6 տուժածները, որոնց թվում են 14 և 15-ամյա դեռահասներ, տեղափոխվել են հիվանդանոց: Տուժածներից 2-ի վիճակը ծայրահեղ ծանր է:
Փաստի առթիվ ոստիկանությունը անցկացնում է հետաքննություն: Նախնական տվյալներով՝ կրակն անցորդների ուղղությամբ բացվել է մեքենայից:
