Գյուղատնտեսության փոխնախարար Ռոբերտ Մակարյանը այսօր հրավիրված մամլո ասուլիսի ընթացքում ամփոփեց 2012 թվականի գյուղատնտեսության տարին:Նա մասնավորապես նշեց, որ նախորդ տարի եղել են ձեռքբերումներ և խնդիրներ, բայց դրանք կարճ ժամանակում կարողացել են լուծել.
«Նախարարության կողմից իրականացվել է մոնիտորինգ՝ վերամշակվող կազմակերպությունների կողմից իրացման , մթերման պահանջարկի վերաբերյալ: Առաջին անգամ այդ տեղեկատվությունը 2012 թվականին տրամադրվեց գյուղացիական տնտեսություններին՝մեր գյուղացիական տնտեսությունների մարզային կենտրոնների միջոցով, որպեսզի գյուղացիները հնարավորություն ունենան հասկանալ, թե որ գործարանը որքան պտուղ ու բանջարեղեն է պատրաստ մթերելու, որին էլ հետևեց պայմանագրերի կնքման գործընթացը:
Մեր վերամշակող ընկերությունները տեղակայված են հիմնականում Արարատի և Արմավիրի մարզերում:Պարբերաբար կատարել ենք այցելություններ վերամշակող գործարաններ՝ առաջացած բոլոր խնդիրներին օպերատիվ լուծումներ տալու նպատակով: Ստեղծվել էր նաև օպերատիվ շտաբ, որի հիմանական նպատակը բերքահավաքի, մթերման ժամանակ առաջացած խնդիրներին լուծում տալն էր:
Նախարարությունում գործում էր նաև տնտեսական շտապօգնություն, որի միջոցով գյուղացիները բարձրացնում են իրենց խնդիրները մթերման գործընթացի հետ կապված:
Վերմշակող սեփականատերերի հետ կազմակերպվել են հանդիպումներ, որպեսզի այն բոլոր խնդիրները, որոնք կարող էին առաջանալ մթերման ժամանակահատվածում ստանան իրնեց օպերատիվ լուծումները»,- ասաց նա:
Ռոբերտ Մակարյանը նշեց նաև, որ եղել են բազմաթիվ խնդիրներ՝ կապված վարկերի տրամադրման հետ,նաևորոշարտահանողընկերությունների, բայց դրանք տարվա ընթացքում ստացել են իրենց լուծումները.
«Հինականում խնդիր կային«Բորոդինո» հայկական պահածոների գործարանում, Էջմիածնի պահածոների գործարանում, ինչպես նաև Վայոց Ձորի մարզի մի քանի գործարաններում: Բայց նշեմ, որ խնդիրներն այստեղ լուժվեցինշատ սահուն: Հիմնականում շրջանառվող միջոցների անբավարարություն և իրացման խնդիրներէինայսգործարաններում: Իսկ մենք ոչ թե նրանց ստիպել ենք, որ մթերեն, այլ օգնել ենք, որպեսզի ձեռք բերեն միջոցներ մթերելու համար»:
Ռ. Մակարյանը նաև կարծիք հայտնեց, որ արտահանվող հիմնական մթերքները պետք է մրցակցության մեջ մտնեն դրսում ուրիշ երկրների ապրանքների հետ, և պետք է գյուղացիները հասկանան, որ որակյալ արտադրանք կարողանան արտադրել, որպեսզիարտահանողները խնդիրներ չունենան:
