Կատալոնական ակումբի կիսապաշտպան Ալեքսանդր Սոնգը կարծում է, որ այժմ այնպիսի հնարավորություն ունի, որ կյանքում մի անգամ է տրվում:
«Արսենալ»-ի նախկին ֆուտբոլիստը լրատվամիջոցների հետ զրույցի ժամանակ խոսել է այն պատճառների մասին, որոնց համար տեղափոխվել է Իսպանիա:
«Առաջին անգամ, որ իմացել եմ «Բարսելոնա»-ի՝ իմ հանդեպ ունեցած հետաքրքրության մասին, հուլիսին էր: Դրա մասին ինձ ասաց Արսեն Վենգերը, սակայն նա ինքը չէր ցանկանում ինձ բաց թողնել: Բավական բարդ էր նրան համոզելը, քանի որ ինքն է իմ տրանսֆերը ձեռք բերել իմ՝ 17 տարեկան հասակում, ինքն է ինձ հնարավորություններ տվել, կյանք տվել: Սակայն հնարավոր էր, որ այսպիսի հնարավորություն այլևս չունենայի:
Ինչ վերաբերում է իմ՝ խաղադաշտում զբաղեցրած դիրքին, ապա կխաղամ այնտեղ, որտեղ մարզիչը կասի: Կենտրոնական պաշտպանի դիրքն ինձ համար նորույթ չէ: Նախկինում այդ դիրքում խաղացել եմ «Արսենալ»-ի կազմում: Չեմ կարող ասել՝ կխաղա՞մ արդյոք «Էլ կլասիկո»-ի ժամանակ, սակայն Պույոլի ու Պիկեի խաղալը հարցականի տակ է, հետևաբար ունեմ բոլոր հնարավորությունները»,- ասել է Սոնգը:
