Грузия Online-ի փոխանցմամբ՝ ՆԱՏՕ-ի գլխավոր քարտուղար Անդերս Ֆոգ Ռասմուսենը Վրաստան է այցելելու սեպտեմբերի 6-ին: Այս մասին այսօր տեղի ունեցած ավանդական ճեպազրույցի ժամանակ հայտարարել է Վրաստանի փոխարտգործնախարար Նինո Կալանդաձեն.
«Սա վերջին 3 տարիներին Ռասմուսենի երրորդ վրացական այցն է ՆԱՏՕ-ի գլխավոր քարտուղարի պաշտոնում: Դա վկայում է Վրաստանի և ՆԱՏՕ-ի սերտ կապերի մասին, ինչպես նաև այն բանի ճանաչման, որ Վրաստանն ընթանում է ՆԱՏՕ-ին ինտեգրվելու ճշմարիտ ուղիով:
Վրաստանում ՆԱՏՕ-ի գլխավոր քարտուղարը կանցկացնի բարձր մակարդակի մի շարք հանդիպումներ, կհանդիպի նաև Վրաստանի նախագահ Միխեիլ Սաակաշվիլիի հետ: Ռասմուսենը կմասնակցի վրաց դիվանագիտական կորպուսի ներկայացուցիչների հանդիպմանը և զեկույց կկարդա այնտեղ»:
