Ադրբեջանական 1news.az-ի փոխանցմամբ՝ Տրապիզոնի նավահանգստի պետ Մուզաֆեր Էրմիշը հերքել է այն տեղեկատվությունը, թե իրենք մտադիր են համագործակցել Հայաստանի հետ.
«Տրապիզոնի նավահանգիստը երբեք չի օգտագործվել դեպի Հայաստան բեռնափոխադրումների համար և հայկական ԶԼՄ-ների տարածած բոլոր լուրերը չեն համապատասխանում իրականությանը: Հայկական կողմը բազմիցս փորձել է բեռնափոխադրման թույլտվություն ստանալ, սակայն ամեն անգամ մերժում է ստացել:
Մենք ամեն անգամ հայտնել ենք, որ քանի դեռ չի լուծվել Ղարաբաղյան հակամարտությունը, որևէ համագործակցության մասին խոսք անգամ գնալ չի կարող: Դա մեր պետության ու ժողովրդի դիրքորոշումն է: Մենք գոհ ենք Ադրբեջանի հետ համագործակցությունից: Ադրբեջանն իր բեռնափոխադրումներն իրականացնում է Տրապիզոնի նավահանգստից: Ադրբեջանը մեր կարևոր գործընկերն է»:
