Գանայի փոխնախագահ Ջոն Դրամանի Մահաման երկրի խորհրդարանում նախագահական երդում է տվել: Երդմնակալության արարողությունը տեղի է ունեցել նախագահ Էվանս Ատտա Միլսի մահից ժամեր անց: Այս մասին հաղորդում է Reuters գործակալությունը:
Գանայի Սահմանադրության համաձայն` Մահաման կղեկավարի երկիրը մինչև հանգուցյալ Միլսի պաշտոնավարման ավարտը: Նրա նախագահության ժամկետը լրանում է դեկտեմբերին:
Էվանս Ատտա Միլսը մահացել է հուլիսի 24-ին `69 տարեկանում, երկրի մայրաքաղաք Ակրեում: Նախագահի մահվան պատճառների մասին չի հաղորդվում: Նրա հիվանդության մասին հաղորդվել է մահվանից ժամեր առաջ: Ընդդիմադիր Միլսը իշխանության էր եկել 2009 թվականին կայացած ընտրությունների արդյունքներով: Նրան աջակցել էր ընտրողների 50,23% տոկոսը: 1997-2001 թթ. նա զբաղեցրել է երկրի փոխնախագահի պաշտոնը:
