Եգիպտոսում արձակված խորհրդարանի պատգամավորին դատապարտել են 1,5 տարվա ազատազրկման՝ հասարակական վայրում անպարկեշտ գործողություններ կատարելու պատճառով: Հատկանշական է, որ նա ներկայացված է եղել «Նուր» սալաֆիթական կուսակցությունից, որը հանդես է գալիս հօգուտ իսլամի մաքրության և բացառում արտաամուսնական սեռական հարաբերությունները:
Ria Novosti-ի փոխանցմամբ՝ Եգիպտոսի ճանապարհային ոստիկանությունը Կահիրե-Ալեքսանդրիա ավտոմայրուղու վրա կայանված մեքենայում Վանիսին բռնեցրել էր նիքաբով դեմքը ծածկած թեթևաբարո աղջկա հետ սեքսով զբաղվելիս:
Աղջկան ձերբակալել են: Նա ճաղերի ետևում կանցկացնի 6 ամիս, թեև կարող է ազատության մեջ հայտնվել 500 եգիպտական ֆունտով (85 դոլար): Վանիսը ձերբակալման պահին դիմադրություն էր ցուցաբերել ոստիկաններին, որից հետո հայտարարել էր պատգամավորական կարգավիճակի մասին և լքել դեպքի վայրը: RBK-ի փոխանցմամբ՝ պատգամավորը հայտարարել է, որ կինը իր բարեկամուհին է, և ինքը նրան գրկել է՝ մեղմելու համար նրա ցավը:
