Ֆրանսիացի Ժան-Իվ Բլոնդոն, որին կոչում են նաև «արագության հրեշ», Չինաստանում արտասովոր շոու է ցուցադրել: Սքեյթբորդի 31 անիվներից պատրաստված կոստյումով նա իջել է 305 մետր բարձրությամբ լեռնային ուղղաձիգ ճանապարհով: Այս մասին հաղորդում է The Daily Mail-ը: Նշենք, որ անիվներ են տեղադրված ծնկներին, մեջքին, թևերին՝ նրան թույլ տալով ճանապարհը հաղթահարել տարբեր դիրքերով:
42-ամյա տղամարդը ուղղաձիգ անկումը (32 մ/վայրկյան արագությամբ) իրականացրել է այսօր վաղ առավոտյան՝ Չինաստանի հարավային Հունան նահանգի Տիանմեն լեռից:
Միստր Բլոնդոն լեռնաձիգ անկումից հետո շարունակել է ճանապարհը՝ մի քանի անգամ փոխելով դիրքը: Նա անցել է 99 ոլորաններով 10,77 կմ ճանապարհը ընդամենը 19 րոպե 34 վայրկյանում՝ միջինը 33 կմ/ժամ արագությամբ:
Ֆրանսիացի տղամարդը իր կոստյումը դիզայնավորել է որպես Փարիզի Olivier de Serres արդյունաբերական դիզայներական դպրոցի ավարտական նախագիծ: Նա մինչ օրս ստեղծել է 20 մարզահարմարանքներ, այդ թվում նաև՝ անվաչմշկորդների համար ծնկի բարձիկներ:
Նա իր արագության ռեկորդն արդեն իսկ սահմանել է՝ Ֆրանսիայի հարավային Մոն Վանտու լեռից 32 մ/վ արագությամբ իջնելով: Այդ ժամանակ նրա հագին 26 անիվներից բաղկացած հագուստ էր:
