ԱՄՆ նախագահ Բարաք Օբաման այսօր կայցելի Կոլորադո նահանգի Ավրորա քաղաք, որտեղ հինգշաբթի երեկոյան կինոպրեմիերայի ժամանակ սպանվել էր 12, վիրավորվել 58 մարդ:
Սպիտակ տան տարածած հաղորդագրությունում ասված է, որ նախագահը կհանդիպի զոհվածների ընտանիքներին, տուժածներին և տեղի իշխանություններին: Ամբողջ օրը Օբաման կանցկացնի Ավրորայում, որից հետո կուղևորվի Սան Ֆրանցիսկո` մասնակցելու նախընտրական միջոցառմանը: Այս մասին հաղորդում է Itar-Tass-ը:
Հիշեցնենք, որ 24-ամյա Ջեյմս Հոլմսը ներխուժել էր Century 16 Movie կինոթատրոն, դահլիճ նետել արցունքաբեր գազով նռնակներ, որից հետո կրակ բացել հանդիսատեսի ուղղությամբ: