Լեհաստանում պատրաստվում են աճուրդի հանել լուսանկարների հավաքածու, որի մեջ ներառված են Մերիլին Մոնրոյի հարյուրավոր լուսանկարներ:
Associated Press-ը հաղորդում է, որ հավաքածուում կա ավելի քան 4000 լուսանկար, որոնց հեղինակն է հայտնի լուսանկարիչ Միլթոն Գրինը:
Լուսանկարներից որոշները հայտնի գործեր են, բայց Լեհաստանի պաշտոնյաներն ասում են, որ հավաքածուում կան նաև նախկինում չհրապարակված աշխատանքներ:
Լուսանկարները Լեհաստանում են հայտնվել հետաքրքիր եղանակով 1990-ական թվականներին, երբ Չիկագոյում ապրող գործարարը մեղադրվել էր Լեհաստանի կառավարությանը խաբելու և միլիոնավոր դոլարներ գողանալու մեջ և պարտքը մասնակիորեն վճարել էր հավաքածուի միջոցով:
