ՆԱՏՕ-ի գլխավոր քարտուղարի` Կովկասի և Կենտրոնական Ասիայի հարցերով հատուկ ներկայացուցիչ Ջեյմս Ապատուրայը երեկ Մոսկվայում հայտարարել է, որ տեղեկություններ չունի Վրաստանին զենք մատակարարելու մասին:
Նա շեշտել է, որ ՆԱՏՕ-ն, որպես կազմակերպություն, սպառազինություն չի վաճառում և չի զինում: Սակայն դաշինքի անդամ առանձին երկրներ իրավունք ունեն զենք վաճառել՝ ում ուզեն, եթե այդ վաճառքը չի խախտում միջազգային իրավական նորմերը:
Эхо Москвы-ին տված ասուլիսի ժամանակ Ապատուրայը նաև հայտարարել է, որ ՆԱՏՕ-ն ամբողջությամբ աջակցում է Վրաստանի` դաշինքին անդամագրվելու ձգտումներին: Դրա համար Թբիլիսին մի շարք բարեփոխումներ պետք է իրականացնի, մասնավորապես խոսքը բանակի և ոստիկանության քաղաքացիական ժողովրդավարական վերահսկողության բարձրացման մասին է:
Ապատուրայի կարծիքով, Ռուսաստանի կողմից Հարավային Օսիայի և Աբխազիայի անկախության ճանաչումը խաթարում է Վրաստանի տարածքային ամբողջականությունը: