Մայքլ Ջեքսոնի դուստր Փերիսը Twitter միկրոբլոգների ցանցում մեղադանքներ է հնչեցրել հորեղբոր՝ Ռենդի Ջեքսոնի հասցեին: Աղջկա խոսքով՝ հորեղբայրն իրենց ընտանիքի մասին սուտ լուրեր է տարածում: Այս մասին հաղորդում է entertainmentwise.com-ը:
Անցած շաբաթվա սկզբին «արտահոսած» նամակի պատճառով Ջեքսոնները պատերազմում են: Նամակում երևում է, որ Ռենդի, Ջերմեն, Ջանեթ, Տիտո և Ռեբին պահանջում են արվեստի ոլորտի իրավաբաններ Ջոն Բրանկայից և Ջոն Մաքքլենից լքել Michael Jackson Estate-ի գործադրի պաշտոնները:
Ջեքսոնի ընտանիքի անդամները հայտնում են, որ Բրանկան և Մաքքլենը պատշաճ չեն կատարել իրենց պարտավորությունները և այնպիսի սթեսի են ենթարկել երգչի մորը՝ Քեթրին Ջեքսոնին, որ նա կաթված է ստացել:
Հաստատելով, որ նամակը վավերական է, Ռենդին Twitter-ում գրել է. «Մենք պահանջում ենք, որ բոլորը հարգեն որոշումը, քանի որ սա լուրջ դեպք է, այն պետք է քննվի իշխանությունների կողմից»:
14-ամյա Փերիսը, տեսնելով միկրոբլոգի գրառումները, հերքել է նամակի բովանդակությունը, ասելով, որ իր տատիկը հիանալի է իրեն զգում, նրան ոչինչ չի պատահել:
«Ես կպաշտպանեմ իմ սիրելի տատիկին բամբասանքներից, նույնիսկ եթե բամբասանքներ տարածողներն ընտանիքի անդամներն են»,-ավելացրել է աղջիկը:
Փերիսն այնուհետև հաղորդագրություն է գրել հորեղբորը, որտեղ ասված է. «Ողջո՛ւյն, ընտանիքի սիրելի՛ անդամ, չեմ գնահատում քո ասածները, որոնք իրականությանը չեն համապատասխանում, շնորհակալությո՛ւն»:
