Արգենտինական մամուլի տեղեկացմամբ` երկրի ազգային հավաքականի և «Ալ-Վասլա» ակումբի նախկին գլխավոր մարզիչ Դիեգո Մարադոնան քննադատել է «Բոկա Խունիորս»-ի նախկին կիսապաշտպան Խուան Ռոման Ռիկելմեին:
Բանն այն է, որ Ռիկելմեն 2 շաբաթ առաջ հայտարարել է, որ լքում «Բոկա»-ն: Հիշեցնենք, որ 34-ամյա ֆուտբոլսիտը նման որոշում էր կայացրել Լիբերտադորեսի գավաթի եզրափակչում «Կորինտիանս»-ից կրած պարտությունից հետո:
«Ռիկելմեն կարող էր լարված հարաբերություններ ուենալ ինձ հետ և հանդես չգար ազգային հավաքականում: Բայց «Բոկա Խունիորս»-ը լքելը պայմանագրի ժամկետի լրացումից 2 տարի առաջ, նշանակում է դավաճանել ակումբը և արգենտինացի երկրպագուների 75%-ին»,- հայտարարել է Մարադոնան:
