Թուքիայի Գազիայնթափ մարզի Քարքամըշ քաղաքի մոտ բացվել է սիրիացի փախստականների նոր ճամբար,- հաղորդում է Doğan գործակալությունը: Այն կարող է ընդունել մինչև 10 հազար մարդու, այդ թվում՝ հայրենիքում շարունակվող խժդժություններից փրկված սիրիացիների:
Այսօր ավելի վաղ հաղորդվում էր, որ Թուրքիայի հարավ-արևելքում անկարգություններ են տեղի ունեցել Օնջուփընարի սիրիացի փախստականների ճամբարում: Արդյունքում վիրավորվել է 4 սիրիացի և 4 թուրք ոստիկան, ինչպես նաև ճամբարի ղեկավարը:
Հաղորդվում է, որ անկարգությունների պատճառը եղել է խմելու ջրի պակասը: Շուրջ 500 սիրիացիներ դեպքի վայր ժամանած ոստիկանների վրա քարեր են նետել, այրել աղբի բաքեր, կոտրել հարևանությամբ գտնվող շենքերի պատուհանները, շրջել փախստականների համար նախատեսված մի քանի կոնտեյներներ:
Ճամբարի բնակիչների խոսքերով՝ այս պահին այնտեղ չափազանց շոգ եղանակ է՝ մոտ 50 աստիճան, ուստի ավելացել է ջրի պահանջը: Մինչդեռ ճամբարի ղեկավարությունը կարգադրել է ջուրը բաժանել սահմանափակ չափով: Երկար հերթերով փախաստականները ստիպված են եղել սպասել գիշերվանից՝ իրենց հետ վերցնելով նաև երեխաներին:
Տեղի ԶԼՄ-ների հաղորդմամբ՝ տասնյակ մարդիկ ձերբակալվել են, ճամբարում լրացուցիչ պահակախումբ է մտցվել:
