Չինական իշխանությունները բացել են ներքին շուկան արտասահմանյան հեջ-ֆոնդերի առաջ: Այս մասին հայտնում է The Financial Times-ը` հղում անելով անանուն աղբյուրներին:
Արտասահմանյան ֆոնդերը կարող են գրանցված լինել Շանհայում: Պարբերականի աղբյուրներից մեկի համաձայն` գրանցման առաջին փուլում թույլտվություն կտրամադրվի միայն խոշոր կազմակերպություններին, որոնց տրամադրության տակ գտնվում են նվազագույնը 10 մլրդ դոլարի ակտիվներ:
Քանի որ փոփոխությունը կարող է հանգեցնել կապիտալի արտահոսքի, ամենայն հավանականությամբ, չինացիների համար կսահմանվի միջոցների որոշակի ծավալ, որը արտասահմանյան ֆոնդերը պետք է ներդնեն արտասահմանում:
Չինացի ներդրողները նախընտրում են գումարներ ներդնել անշարժ գույքի մեջ: Իշխանությունները մտավախություն ունեն, որ դա անշարժ գույքի շուկայում կարող է հանգեցնել գների չհիմնավորված աճի:
