Իսպանիան ստիպված կլինի իր բանկային համակարգի մեծ մասի հսկողությունը հանձնել եվրոպական կառույցներին:
Այսպիսին են այն 100 մլրդ եվրոյի օգնության տրամադրման պայմանները, որոնք պետք է երկրին հատկացվեն մոտ ապագայում: Այս մասին գրում է The Wall Street Journal-ը` հղում կատարելով անանուն աղբյուրներին:
Մեկ այլ պայմանով ֆինանսական խնդիրները կփոխանցվեն ներդրողներին:
Նման որոշումը քաղաքական փրկօղակ է: Ըստ նախագծի պայմանավորվածության` բանկերը կկարողանան ուղղակիորեն օգնություն խնդրել ԵՄ-ից` շրջանցելով իսպանական կառավարությանը, երբ որոշում կայացնեն ներդրողների հետ կայանալիք կորուստների վերաբերյալ:
Ենթադրվում է, որ եվրոգոտու երկրների ֆինանսների նախարարները՝ ներառյալ նաև Իսպանիան, հուլիսի 20-ին կստորագրեն համաձայնագիր:
Ֆինանսական օգնության հիմնական մասը երկրին կտրամադրվի աշնանը` բանկային սթրես-թեստերի անցկացումից հետո:
