2010-2011 ուսումնական տարում Հայաստանի բուհերում և քոլեջներում սովորող սփյուռքահայերի ամենամեծ թիվը գրանցվել է Վրաստանից՝ 1,645 ուսանող, ինչն անշուշտ պայմանավորված է Ջավախքի հայաշատ բնակչությամբ:
Նշենք, որ դեռ 2007-2008 ուսումնական տարում Վրաստանից միայն մեր պետական բուհերում սովորում էր 274 ուսանող:
Ինչպես միշտ, մեր երկրում մեծ թվով ուսանողներ կան Ռուսաստանից, ովքեր 2010-2011 ուսումնական տարում 1,073-ն են, այնուհետ Իրանից եկած ուսանողներն են, որոնք այս անգամ կազմել են 291-ը և Սիրիայից՝ 82-ը: Այս երկրներից եկող ուսանողները հիմնականում սովորում են Երևանի պետական բժշկական համալսարանում:
Նշենք, որ Ուկրաինայից և Թուրքմենստանից ևս Հայաստանում ուսանելու գալիս են: Ուկրաինայից եկած 65 ուսանող է սովորում մեր բուհերում և 40 ուսանող Թուրքմենստանից:
Ի դեպ, ԿԳՆ տրամադրած տեղեկատվության համաձայն` հարցումները ցույց են տվել, որ ծրագիրն անուղղակիորեն ծառայում է նաև ներգաղթին:
Հարցումների համաձայն` ՀՀ ուսումնական հաստատություններում կրթություն ստացած սփյուռքահայերի մի մասն այլևս չի վերադառնում իր բնակության երկիրը և հետագա կյանքը կապում է Հայաստանի հետ. իսկ վերջին հինգ տարիներին նման դիմորդների թիվն աճում է:
