Այսօր՝ հուլիսի 9-ին, 19.50-ի սահմաններում Արտակարգ իրավիճակների նախարարության Ճգնաժամային կառավարման կենտրոն ահազանգ է ստացվել, որ Հարավ-արևմտյան թաղամասի Անդրանիկի և Րաֆֆու փողոցների խաչմերուկում ավտոմեքենա է վառվում:
Ֆոտոլրագրող Գագիկ Շամշյանը News.armeniatv.com-ին հայտնել է, որ հրշեջներին հաջողվել է մարել կրակը, սակայն «ՌԱՖ» մակնիշի 67 ՕՏ 742 համարանիշի ավտոմեքենան, որում կրակը բռնկվել էր ընթացքի ժամանակ, ամբողջովին այրվել է:
Մեքենայի վարորդի՝ 30-ամյա Ավետ Ավետիսյանի հետ այդ պահին մեքենայում է եղել նաև նրա եղբայրը՝ 34-ամյա Ահարոն Ավետիսյանը:
1-03 ծառայության բրիգադն առաջին բուժօգնություն է ցուցաբերել Ավետ Ավետիսյանին, իսկ Ահարոն Ավետիսյանը 1-ին և 2-րդ կարգի այրվածքներով տեղափոխվել է «Մալաթիա» բժշկական կենտրոն: Բժիշկների հավաստմամբ նրա կյանքին վտանգ չի սպառնում:
Լուսանկարները՝ Գագիկ Շամշյանի