Թուրքական Anadolu գործակալության փոխանցմամբ՝ Թուրքիայի ԱԳՆ-ը հերքել է այն տեղեկատվությունը, թե պաշտոնական Անկարան դեմ է հանդես եկել Պաղեստինի՝ ԵԱՀԿ-ի դիտորդ դառնալու նախագծին:
Թուրքիայի ԱԳՆ-ի բարձրաստիճան պաշտոնյան, որի անունը չի նշվում, հերքել է այն տեղեկատվությունը, թե թուրքական պատվիրակությունը դեմ է քվեարկել Մոնակոյում ԵԱՀԿ ԽՎ-ում չընդունված նախագծին.
«Դա ճիշտ է, որ նախագիծը չի ընդունվել քվեարկության ժամանակ: Սակայն այն, որ Թուրքիան դեմ է քվեարկել դրան, ճիշտ չէ: Թուրքիան այդ հարցում դրականորեն է տրամադրված: Թուրքիան երբեք հանդես չի եկել Պաղեստինի դեմ»:
Հիշեցնենք, որ Իսրայելի փոխարտգործնախարար Դանի Այալոնը հայտարարել է, որ այդ նախագծի դեմ են քվեարկել Թուրքիան, ինչպես նաև ԱՄՆ-ը, Գերմանիան և Իտալիան:
