Մի քանի հազար մարդ, որոնք ողջ են մնացել 17 տարի առաջ բոսնիական Սրեբրենիցա քաղաքում տեղի ունեցած սպանդի ժամանակ, երեկ մասնակցել են սգո արարողությունների։ Նրանք երթ են կազմակերպել արևելյան Բոսնիայում, որը խորհրդանշել է բոսնիացիների փախուստը գեներալ Ռատկո Մլադիչի զորքերից։ Այս մասին հաղորդում է BBC-ն։
Հիշեցնենք, որ մոտ 8 հազար բոսնիացի մուսուլմաններ, հիմնականում՝ տղամարդիկ և պատանիներ, 1995թ.-ին սպանվել էին բոսնիացի սերբերի կողմից։ Հաագայի միջազգային քրեական դատարանը և Արդարության միջազգային դատարանը սա որակել են որպես ցեղասպանություն։ Ներկայում այդ մեղադրանքով Հաագայի միջազգային դատարանում տեղի է ունենում սերբ գեներալ Ռատկո Մլադիչի դատավարությունը։
