Պետությունից դրամական օգնություն ստացած իտալական Monte dei Paschi (BMPS) բանկը խոստացել է աշխատակիցների թիվը կրճատել 4600-ով (իր բոլոր աշխատակիցների 12 տոկոսը): Այս մասին հայտնում է AFP-ն: Ավելի վաղ հայտարարվել էր, որ բանկը մինչև տարեվերջ պարտք կվերցնի կես միլիարդ եվրո:
Օգնությունը կտրամադրվի թողարկված պարտատոմսերի միջոցով: Կառավարությունը անձամբ է շահագրգռված բանկին դրամական միջոցների տրամադրմամբ, որպեսզի խուսափի բանկային ոլորտում ֆինանսական ճգնաժամի տարածումից:
Monte dei Paschi բանկը աշխարհում հնագույններից է: Այն 1472թ. հիմնադրվել է Սիենայում: 2000-ականների վերջերին բանկը սկսեց լուրջ խնդիրների առաջ կանգնել` կապված համաշխարհային ֆինանսական ճգնաժամի հետ, իսկ 2011-ին` գրանցվեց 4.69 մլրդ եվրոյի կորուստ:
