«Եվրո-2012»-ի կիսաեզրափակիչ Իսպանիա-Պորտուգալիա հանդիպումից առաջ կայացած մամլո ասուլիսի ժամանակ Պորտուգալիայի ազգային հավաքականի գլխավոր մարզիչ Պաուլու Բենտուն հայտնել է, որ իր թիմը չի պատրաստվում միայն պաշտպանվել:
«Մենք հիանալի գիտակցում ենք, թե ինչ մակարդակի մրցակցի հետ ենք խաղալու: Սակայն չենք պատրաստվում միայն պաշտպանվել: Դա ավելի կբարդացնի իրավիճակը: Նպատակ ունենք «Եվրո-2012»-ի եզրափակիչ անցնել և միջոցներ ենք ձեռնարկելու մեր նպատակին հասնելու համար:
Խմբային փուլը հաղթահարելուց հետո մենք նոր դրական լիցքեր ստացանք: Իմ սաներին հաջողվեց համոզել երկրպագուներին, որ կարող են գերազանց ֆուտբոլ ցուցադրել և արժանի են նրանց աջակցությանը»,- ասել է Բենտուն:
Լրագրողների այն հարցին, թե կօգնի՞ արդյոք Պորտուգալիայի հավաքականին այն փաստը, որ ուկրաինացի կանանց 95%-ը երկրպագելու է Ռոնալդուին, մասնագետը պատասխանել է.
«Հուսով եմ, Քրիշտիանուն կգերի նաև մնացած 5%-ի սրտերը»:
