Մեքսիկայի Սյուդադ Յուարես քաղաքում կանայք ցանկալի չեն: Ինպես նշում է The Daily Mail- ը, քաղաքը դարձել է կանանց հոլոքոստի թատերաբեմ: Միայն այս տարի այնտեղ 60 կին է սպանվել:
Քաղաքը սահմանակից է Տեխասի հարավին: Սյուդադ Յուարես անվանումը հոմանիշ է դարձել արյունոտ թմրապատերազմ արտահայտությանը:
Կանանց նկատմամբ բռնությունը քաղաքում հասել է աղետալի ծավալի: New York Times-ի փոխանցմամբ՝ վերջին 2 տարում այնտեղից 100 կին է անհետացել:
Իշխանությունները չեն ցանկանում առերեսվել ճշմարտության հետ: Տեղեկություներ կան, որ կանանց առևանգում են օրգանների գողության նպատակով: Մարդկային կյանքն այդ քաղաքում բացարձակապես արժեք չունի:
Անհետացած մարդկանց ծնողների և հարազատների կոմիտեի անդամները բողոքի ակցիա են անցկացրել Գլխավոր դատախազության շենքի մոտ՝ վեր պարզելով իրենց սպանված ու անհետացած հարազատների նկարները: Նրանք պահանջում են լրջորեն քննել սպանության և առևանգման դեպքերը: Թմրակարտելների բռնություններից բացի՝ կանանց տարբեր պատճառներով սպանում են այլ կանայք, խանդոտ ամուսինները, խանդոտ սկեսրայրները և այլն: Կոմիտեն միավորում է մարդկանց, որոնք համատեղ ջանքերով փորձում են գտնել իրենց մայրերին, դուստրերին և քույրերին:
Սպանությունները գագաթնակետին հասան 2010-ին՝ 304 կանանց սպանությամբ: Այդ ժամանակ լրագրողներն օգնում էին բռնությունը ճնշելու հարցում, սակայն հիմա կարծես թե նահանջում են:
