ԲՀԿ-ն պատեհ պահին հանդես կգա հայտարարությամբ՝ ունենալո՞ւ է նախագահի սեփական թեկնածու, թե՞ ոչ. այսօր լրագրողների հետ հանդիպմանը ասաց ԲՀԿ նորընտիր պատգամավոր Տիգրան Ուրիխանյանը:
«Միաժամանակ, սա չի նշանակում, որ այս պահին մենք ընդունած որոշում ունենք կամ չունենք»,- առանց հավելյալ պարզաբանումների՝ ասաց նա:
Տիգրան Ուրիխանյանը նաև նկատեց, որ ԲՀԿ-ի համար ամենևին դժվար չէ այլընտրանքային ուժ լինել:
«Առաջին լրատվական»-ի դիտարկմանը, թե ՀՀԿ պատգամավոր Արտակ Զաքարյանը, խոսելով ԲՀԿ-ի մասին, նշել է՝ շատ դժվար է չլինել իշխանություն և միաժամանակ չլինել ընդդիմություն, պատգամավորը նկատեց. «Մենք մեջտեղում չենք: Պարզապես կողմ ենք լինելու ՀՀ քաղաքացու շահերից բխող օրենքներին ու նախագծերին, և հակառակը»:
